ТӦРӦЛ АЛТАЙ ТИЛИСТИҤ КӰНИЛЕ! С ДНЕМ АЛТАЙСКОГО ЯЗЫКА!

УНДЫБАГАР

Ӧрӧ ӧзуп, сагышка једеле,
Ӧчӧжип качан да јӱрбегер, балдар.
Ӧско Алтайга јажына барадып,
Ӧскон јеригер ундыбагар, балдар.

Ойногон Алтайды јеектеп те койзоор,
Озогы бойы ол артып ла калар...
Чаҥкыр туулары ышталып ла турар.
Чакпынду суулары кӱркӱреп ле јадар.

Арып-чылап уйадай берзегер,
Арчын јытту Алтайга келигер.
Актанып, тӧгӱн сӧс айтпагар,
Албаты слерге анайда будер.

Алтай тилигер "јокту" да болзо,
Ак-јарык берген - шоотпогор оны.
Кургаткан курудыс ачу да болзо,
Курсагыс болгон - ундыбагар оны.

Сайыркап, јоноордыҥ јӱрумин билбезеер,
"Санаалу бис" - деп, сананбагар, балдар.
Тӧрӧл јоноордыҥ јӱрӱмин ундызаар,
"Тӧрӧлис бар" - деп, айтпагар, балдар.

Тӧртӧн тилге ӱренип те алзагар,
Тӧрӧл тилигер слердиҥ артабас.
Кучынаар килен, кеен де болзо,
"Культурный слер..." - деп, кем де айтпас.

Ары болуп, атанып та јатсагар,
"Алтайым" дейле, кайра кӧрӱгер.
Атту-чуулу эрлер де болзогор,
"Албатым" дежип, айдыжып јӱригер.

Ӧзӧк-буурыгар башка да болзо,
Ӧмӧлӱ-1ӧмӧлӱ, эпту болугар.
Ӧрӧ чыгала, тӧмӧн дӧ тӱшсегер,
Ӧскӧн јеригер ундыбагар, балдар...